Προσευχή Εις το Άγιον Πνεύμα - Πατριάρχης Νεόφυτος
Έλθε το πάνσεπτον, το παντουργόν, το παντοκρατές Πνεύμα, το παντεπίσκοπον, το υπερσοφόν, το υπερδύναμον, το παντοδύναμον, το αναλλοίωτον, το άτρεπτον, το απερίγραπτον, το ακατανόητον, το ανεξιχνίαστον, το απειροδύναμον, το απειρόδωρον, το απειράγαθον, το πληρωτικόν παντός κόσμου κατά την ουσίαν, αχώρητον δε τω παντί κατά την δύναμιν, η αυτοζωή και η πηγή της ζωής, η αυτοσοφία και πηγή της δυνάμεως, ο πανάγαθος και πανοικτίρμων Θεός. Έλθε πάντων των μελλόντων σωθήναι η αληθής σοφία. Έλθε ο μόνος προς μόνον, ότι μόνος ειμί ως οράς. Έλθε και σκήνωσον εν εμοί και καθάρισον με από πάσης προσβολής και επιβολής του αντικειμένου.
Ευλογούμεν σε, Παμβασιλεύ υπεράγαθε, ότι παρά σου έστιν εν ημίν το είναι, το αναπνείν, το φρονείν, το γιγνώσκειν Θεόν, σε το πανάγιον Πνεύμα, και τον άναρχον Πατέρα, και τον μονογενή τούτου Υιόν. Ευλογούμεν σε ότι εκ σού έστιν ημίν κατανοείν κάλλος ουρανού, ηλίου δρόμον, σελήνης κύκλον, αστέρων ευκοσμίαν και την εν τούτοις πάσιν ευαρμοστίαν τε και διάφορον κίνησιν. Ευλογούμεν σε, ότι εκ σού έστιν ημίν κατανοείν ωρών εναλλαγήν, μεταβολάς καιρών, αλλοιώσεις ανέμων, ενιαυτών περιόδους. Ευχαριστούμεν σοι, ότι εκ σού έστιν ημίν βασιλείαν ουρανών ελπίζειν, Αγγέλων ισοτιμίαν, δόξης θεωρίαν, νυν μεν ως εν εσόπτροις τε και αινίγμασι, μετ’ ου πολύ δε την τελειοτέραν τε και καθαροτέραν. Ευχαριστούμεν σοι, ότι Συ παρέχεις ημίν γεωργίας, τροφάς, τέχνας, νόμους, έξεις, αρετάς, παιδείας.
Ποία γλώσσα λαλήσει, Δέσποτα, τα μεγαλεία Σου, τα υπέρ λόγον και έννοιαν μεγάλα και θαυμαστά; Συ γαρ καθαρότητος και αγιότητος αένναος πηγή και ακένωτος. Σοφίας τε και δυνάμεως υπερπληθύς άβυσσος άπειρος τε και ακατάληπτος, ζωής τε και αθανασίας αμέτρητον τε και απεριόριστον πέλαγος, γνώσεως και συνέσεως ακένωτος και αμείωτος θησαυρός, αγαθωσύνης και ευσπλαγχνίας παγκόσμιον και ακένωτον ταμείον και αδαπάνητον…
