Ευχαριστούμέν Σοι Δέσποτα φιλάνθρωπε τω Βασιλεί των αιώνων, και δοτήρι των αγαθών, τω καθελόντι της έχθρας το μεσότειχον, και ειρήνην βραβεύσαντι τω γένει των ανθρώπων, τω δωρησαμένω μεν νυν ειρήνην τοις δούλοις Σου, ρίζωσον εν αυτοίς τον φόβον Σου, και την προς αλλήλους αγάπην βεβαίωσον, κατάσβεσον πάσαν έριν, περίελε πάντα τα της διχοστασίας σκάνδαλα, ότι Συ ει η ειρήνη ημών, και Σοί την δόξαν αναπέμπομεν, τω Πατρί, και τω Υιώ και τω Αγίω Πνεύματι, νυν και αεί και εις τους αιώνας των αιώνων. Αμήν.
Ευχή ετέρα, εις αγάπην και ομόνοιαν εξ έχθρας τινός.
Κύριε ο Θεός ημών, ο της αγάπης φυτουργός, και της ειρήνης βραβευτής, και της ομονοίας δοτήρ, χάρισαι ημίν την αγάπην Σου, το πλήρωμα του νόμου Σου. Δος ημίν το προσλαμβάνεσθαι αλλήλους εν αγάπη, καθώς και ο μονογενής Σου Υιός προσελάβετο ημάς, δος ημίν αλλήλων τα βάρη βαστάζειν, και μετ’ ευνοίας δουλεύειν αλλήλους, και αναπληρούν τον νόμον του Χριστού Σου μετά πάσης προθυμίας, λυτρούμενος μυρίων κακών, από πάσης επιβουλής και ενεργείας του πονηρού, ότι Θεός ειρήνης, ομονοίας και οικτιρμών υπάρχεις, και σοι την δόξαν αναπέμπομεν.
